عاد من عملهِ اليوميّ ,
تناول غذاءه , و قال قليلا ..
استيقظ و جلس مع ابنه أمام التلفاز
جعل يرشف الشاي ببطيءٍ ..
و يقلب القنوات في مللٍ معهود ..
صاح مندهشا عند أحد القنوات !!
- إنه " أحمد " .. زميلي من أيام الدراسة ,
يبدو أنه أصبح شخصا ناجحا و مشهورا !!
نطق الطفل بجانبه في براءةٍ و تلقائية :
أحقاً كنت معه في المدرسة يا أبي ؟؟
فَلِمَ لَمْ تصبح مشهوراً مثله ؟؟
36 حط تعليقك:
معقوله انا اول واحد ارد
أحمدك يا رب
خد بقى تاني رد
اولا جمعه مباركه
ثانيا وحشتنا ومواضيعك وحشتنا
جميل اسلوبك الجديد موضوع وموقف في سطور قليله يفتح النقاش بشكل كبير في مواضيع هامه
سؤال محرج من الولد محتاج اجابه م الاب بذكاء تحفظ قدره عند ابنه وتعلمه ان كل واحد له نصيب وهدف وتوفيق ربنا له عامل كبير
بعدين حد يتفرج ع التلفزيون مع عياله
ههههه
تقبل تحياتي دايما
احبك في الله
بكره الكلمة دي هتتقلنا لما نشوفك راجل كده ملو هدومك ,, ومشهور ومكسر الدنيا
بس تبقي افتكرنا ساعتها
تسلم إيدك يا عم الباشمهندس
ده عامل زي المثل الي بيقول :
القرعه بتتباهي بشعر بنت اختها :D
تسلم الايادي يا تيمي ..
ربنا يكرمك بكل خير
تحياتي
السلام عليكم
معبرة إلى أقصى الحدود
لكن..
مش كل مين طلع في التلفزيون يبقى ليه لازمة :))
فكرتني بالنكتة الشهيرة: الأب بيقول لابنه: نابليون لما كان قدك كان الأول على الفصل
فاإبن قاله: ولما كان قدك كان رئيس دولة!!
تسلم يا تيمي
أكيد عشان مشتغلش زيه
حقاً قصة منبهة لكل من يضيع وقته من غير فايدة ؛ و لا هدف سامي .
بارك الله فيك على التدوين
السلام عليكم
وتانى يورط الكبير
نفسه امام الصغير
بكلمـــــة
ولكن له منهــــــا
مخرج اقولـــــــه لك
وليكن درساً لكلاً منهما:
ليقول له انها ارزاق
قسمهـــــــــا الخلاق
مادام لم يتوان فى العمل
او السعى الدؤوب والكفاح
سؤال وجيه:)
اتخيل ان تكون الاجابة لان هذا الشخص فاشل من يومه ويعتمد على الغير
مصطفى أبوزيد :
يا هلا فيك يا مصطفى ,
و مايهمكش أول تعليق يعني , هو حد بيعبرني أصلا :D
المهم , نخش بقى على تاني رد ,
أخجلتم تواضعنا يا مصطفى , و مش عارف شكلك مخدوع فيا و في مواضيعي , يا إما كنت بتقرأ مواضيع حد تاني و مفكرها مواضيعي !!
بالنسبة بقى لسؤال الابن للأب فلا تعليق لدي عليه ,
لأن لو كان عندي ولد - لا قدر الله - كنت مش هلاقي له إجابة ,
لأني فاشل و ما أتخيرش عن الأب الفاشل ده :(
هي دي الحقيقة , بكل صراحة .... و وقاحة !!
أحبك الذي أحببتني فيه ,
أحبك الذي أحببتني فيه ,
أحبك الذي أحببتني فيه ,
و ياريت ما تزعلش مني لو اتكلمت معاك بصراحة زيادة عن اللزوم
SomeOne
على رأيك .... :) و للأسف !!
د. ياسر عمر عبد الفتاح :
يا عم ياسر و لا هبقى مشهور و لا عاوز أكون مشهور , و لا عاوز يكون لي عيل من أساسه ,
جتها نيلة اللي عايزة خلف :(
شقاوة مراهقة
فعلا القرعة بتتباهي بشعر أي حد تاني !!
شكرا جزيلا على المرور و التعليق ,
تحيتي
ست البنات :
و عليكم السلام يا دكتورة أم يحيى ,
, هو فعلا كلامك صح , مش كل من طلع في التلفزيون يبقى ليه لزمة ,
لكنها كناية عن الأهمية و خلاص :)
بحب أنا الأبناء اللي يحرجوا آباءهم دول , " يوقفوهم عند حدهم " :) :)
محمد غالية :
أكيد برضه :) ,
تسلم يا محمد :)
hamido23
بارك الله فينا و إياكم ,
و ربنا ينبهنا و ينبه غيرنا ,
و عليكم السلام و رحمة الله
فعلا سؤال محرج !!
بس لعله يكون رد برد يفيد الولد مش مجرد انه اتهرب من السؤال او لغوش على نفسه
كل سنة وحضرتك طيب
دكتورة نور :
معاكي إنها أرزاق يا دكتورة ,
لكن طالما الحاجة مش محتاجة ماديات يبقى ليه يرضى بالدون ؟؟
لكن لو حاول و ما طلعش " عادي " و " مشى مع القطيع " يبقى خلاص قضاء و قدر و الأب عمل اللي عليه
موناليزا ,
قد تكون الإجابة كما قلتي ,
أو لأن هذه الرجل فعل كما فعل معظم الناس و .....سار مع القطيع :(
أختكم في الله :
ياريت فعلا يكون الرد أفاد الابن ,
و خلاه يعرف إنه لازم يبقى مختلف و متميز عن الآخرين حسب قدراته ,
شكرا جزيلا لمرورك ,
و كل سنة و حضرتك طيبة ...
مــــاذا بك ياتيمى؟
لما انت غاضب هكذا؟
وحد الله سبحانه
وتعالى.اللهم
رضنا بما
قضيت
لنا
بارك لنا فيه.
لا والله مش مخدوع فيك
مواضيعك بحق جميله
اما الحب في الله ده ليس فيه خداع لانه لله وحده
انت بقى خريج هندسه ايه
اتمنى اتعرف على حضرتك اكتر
z_elhafy@yahoo.com
لو معندكش مانع نتكلم اكتر
متخفش انا مش متراقب ومش عليا اي احكام
هههههههههههه
ربنا يعزك يارب
مش شرط يكون الاب فاشل
ماهو فى ناس كتير مشهورة لكن الشهرة كانت بالطريق الغلط مش الصح
ازيك حبيبى
وحشتنى جدا
قصة جميلة جدا بس ربنا بيقسم لكل واحد نصيبة ممكن يكون والد الطفل افضل من اللى على التى فى ولكن ربنا مقدر كده
تحياتى صديقى
سلام
الأخ الفاضل :: TIMMY ::
تحية طيبة
وبعد
لم أصبح مشهورًا مثله يا بني ، لأن أباك ببساطة لم يرد ذلك ..
أظن هذا الجواب ينفع في مثل هذه الأوقات ^_^
سلام عليكم ازيك تيمى
اولا ابدى اعجابى الشديد بالكلمة المكتوبة فوق وانا كنت ناوى اكتب فى الموضوع ده قريب فعلا وكان شاغلنى كتير
ثانيا
زى ما قولتلكفعلا حاسس ان فيه افكار كتير مشتركةما بينا
إنه القدر...!!!
:D
أمل
norahaty
أنا مش غاصب و الحمد لله ,
و لا إله إلا الله ,
ربنا يهدينا و يهدي الجميع
مصطفى أبو زيد ,
خلاص يا مصطفى ,
انت الجاني على نفسك :) ,
و إن شاء الله هضيف إيميلك عندي و نتكلم إن شاء الله
Sweet Violet
فعلا ممكن الشهرة تبقى بطريق غير مشروع ,
لكن الشهره هنا كانت كناية عن النجاح بس ,,,
تحيتي
Hossam
إزيك يا راجل ؟؟
ليك وحشة يا صاحبي ,
و إن شاء الله تكون بخير ,
أنا معاك إن ربنا بيقسم الأرزاق , زي حافظ إبراهيم ما بيقول :
فالناس هذا حظه مالٌ و ذا علمٌ و ذاك مكارم الأخلاق
تسلم يا حسام :)
محمد سعد القويري
حياك الله يا محمد
لكن أظن لو جاوب الأب هذه الإجابة بأنه لم يرد أن يكون مشهورا فبهذا يكون " زاد الطين بله " !!!
د/عرفه
و عليكم السلام يا محمد ,
فينك يا راجل من زمان ؟؟
ليح وحشة بجد يا محمد ,
و حمد الله بالسلامة ,
و الحمد لله إن فيه أفكار مشتركة بيننا ,
ده شيء يسعدني جدا على فكرة :)
أمل
فعلا إنه القدر
الذي يرده الدعاء و الذي لا نعرفه قبل حدوثه كي نحتج به ,
تحيتي ,,,
تعليقاً على التدوينة القادمة
ما دمت قد اغلقت التعليقات عليها
اقول لك جزاك الله خيرا على تصحيح
معلومة كثير منا يلتبس الامر عليه
فيها.
norahaty
جزانا و إياكم يا دكتورة نور ,
و معلش أنا قلت مافيش لزمة لفتح التعليقات لأن الموضوع مافيهوش نقاش ,
و إنما هو موضوع خبري ,
و ربنا يهدينا و يهدي الجميع
إرسال تعليق