السلام عليكم و رحمة الله و بركاته ,
طبعا مما لا ( شك ) فيه و لا ( دبوس )
إن ( المصريين بيشجعوا مصر
... و احنا معاهم ) ,لكن الجدير بالذكر إن في نفس الوقت هتلاقي مثلاً إن :
اليهود بيصنعوا أسلحة نووية ....
و احنا مش معاهم
,و إن الشيعة الإيرانيين بيصنعوا أسلحة نووية برضه ...
و احنا برضه مش معاهم
,و طبعا الأمريكان و الفرنسيين و الألمان و الروس و ......
بيصنعوا نووي و طيارات و عربيات و صواريخ
و ......و احنا أكيد مش معاهم
,.
.
.
.
.
أمال إحنا بنعمل إيه يا عم الكتكوت
؟؟يا باشا احنا بنـ(شجع شجع
... مصر بتلعب ) .. و طبعا ( ما فيش مناسبة أهم من تشجيع مصر
) ,و كده كفاية علينا قوي .. و قشطة خالص ,
و بيني و بينك , أسهل من حكاية اننا نشتغل دي , و نعمل نووي و صواريخ و طيارات و الكلام الكبير ده
, و أهم حاجة إننا (نرضي ضميرنا )
و نلاقي حاجة - و لو هايفة - نتعلق بيها , و نقنع نفسنا إننا كده بنعمل اللي علينا ... و زيادة حتتين
!!...........................
سلام !!!
23 حط تعليقك:
.
قال رسول الله صلى الله عليه و سلم :
( العبادة في الهرج كهجرة إلي ) رواه مسلم من حديث معقل بن يسار مرفوعا
من غير كبير إطالة ، الكل يتفق على أن وقت المباراة بل وقبله بكثير وبعده بقليل سيكون الناس في مصر وربما في غيرها من البلدان أيضا في انهماك وانشغال بالغين بشأنها ، فلو أن الواحد منا انتهز هذه الفرصة - وخصوصا الإخوة في مصر والجزائر - فتعبد لله سبحانه بركعات يركعها أو بتلاوة للقرآن أو انشغل بعمل صالح آخر - لربما دخل في الوعد الوارد في هذا الحديث الذي رواه مسلم وغيره .
وليس الهرج قاصرا على ( القتل ) كما ورد تفسيره في بعض الأحاديث الأخرى - أعني حديث أبي موسى في الصحيحين - بل الأصل أن الهرج كما يقول النووي ، رحمه الله : الفتنة واختلاط أمور الناس .
ويقول عقب ذلك : وسبب كثرة فضل العبادة فيه أن الناس يغفلون عنها ، ويشتغلون عنها ، ولا يتفرغ لها إلا أفراد .
فهلا كنا من هؤلاء الأفراد .
---- منقوووول ---
.
كالعاده يا اخ تيمي اجد هدف وفكر بين سطور اتمنى ان اراه عند الكثير ...
زوزو
موضوع موجع لانه حقيقى
للاسف:(
زوزو :
شكرا جزيلا على المرور ,
و أتمنى أن أجد هذا الـ"فكر و الهدف" الذي وجدتيه في فعلي أيضا و ليس في كلامي فقط !!
الله المستعان ...
موناليزا :
للأسف هو موجع بالذات عندما يرى المرء "رجاله شحطه" بيتفرجوا بتركيز و طفولية على " رجاله شحطه " زيهم بيجروا و راء حتة كاوتش منفوخة !!
فى البداية عايزة اسجل اعجابي باسلوبك فى الكتابة
لكن بالنسبة لموضوع كرة القدم انا شيفاها انها بقت الحاجة الوحيدة اللى بتجمع المصريين عموما
واننا ممكن نتسغل الحماس ده فى حاجات كتير مفيدة
ومش معنى تفوقنا فى مجال رياضي اننا متخلفين فى المجالات الاخرى بسببها
ولو كل واحد اخلص فى عمله وطورة واتقي الله فى المنصب والمسئولية اللى ربنا حطه فيها هنكون باذن الله افضل
الموضوع جميل جدا و مؤلم جدا و خصوصا ان الوضع لا يتغير بل يزداد سوء
و انا كنت كتبت في نفس الموضوع ده بس أيام ماتش الجزاير اللي فات
http://albirony.blogspot.com/2009/11/blog-post_19.html
نسيت حاجة كمان
ياتيمى:ابعت الرسالة
ل100شخص واكسب 1000حسنة
أو ما يسمى الجهاد الاليكترونى
بصراحة بتغظنى الحكاية دى
وكمان بتحسسنى انها بتفرغ
شحنة الاحساس بالذنب عندى
وعند غيرى :خلاص انا عملت
اللى عليا بعت الرسايل
وخلاص:(
يا تيمى
مش مصر بتكسب
والشعب بيفرح
قشطة جدا
واعمل اللى انت عايزه
هههههههههه
غير معرف :
شكرا جزيلا لحضرتك لإطرائك على المدونة ,
جعلها الله بفائدة ,
بالنسبة للموضوع , أنا أتفق معك إنها الحاجة اللي بتجمع كتير من المصريين , و بيبقوا متحمسين جدا ,
لكن أختلف في أن هذا الحماس يمكن استغلاله , لأنه حماس زائف غير حقيقي , كحماس شارب الخمر أو المخدرات حين يظن أنه ملك الدنيا و تفوق فيها حينما ينجح في عبور الشارع بدون أن يصدم بأحد المارة ,
و طبعا كرة القدم مش هي السبب في تخلفنا , لكن إدمانها و إعطائها أكبر من حقها بكثير هو من أسباب تخلفنا ,
ربنا يهدينا و يهدي الجميع ..
البيروني :
شكرا جزيلا على مرورك يا دكتور ,
فعلا الموضوع بيزداد سوءا و بشدة ,
لدرجة إن المشجعين شايفين إن تشجيعهم ده وطنية , و كل مخالف لهم إنما هو " وطني نص نص " !!
الدنيا خربانة ... يا عم خربانه .. يا سيدي خربانة !!!!!!!!!!
norahaty :
على رأيك يا دكتورة نور ,
دي من ضمن الحاجات اللي الناس عاوزة ترضي ضميرها بيها ,
أهم حاجة " إرضاء الضمير " !!
د/عرفه :
هههههههه
على رأيك يا محمد ,
طالما تأثير الأفيون شغال ,
يبقى " انسى يا عمرو " !!
مش شايف فيه تناقض
وبعدين مالهم اللي كانوا بيشجعوا مصر؟
كلامك مظبوط
لازم نبقى معاهم في النووي
وبرضه نشجع مصر
اول مره ادخل هنا بس انشاء الله مش الاخيره
علي رايك :] لا وايه انتصرنا متقولش مثلا كنا بنحارب و اغاني وطنيه بقا :]
انا مش ضد الكوره بس في نفس الوقت مش مع اللي بحصل ده :]
السلام عليكم و رحمة الله و بركاته
أول مقطع اللي يتكلم عن الأمرو النهي
شكرا على التذكير أشعلت فينا قضية الدعوة من جديد ..أعنيها..
و ثاني مقطع اللي يتكلم عن التشجيع أحنا بعد بالكويت نفس الشي بس بطلنا نشجع الكرة لأنه ما عندنا كورة
بأه نعمل إيه
(بس الحمد الله الجماعة أبتكروا بدائل؛)
إن شاء الله قريباً بعد مية ميتين سنة حنبطل نشجع و نرجع نشتغل كلهم كم ميت سنة
و انا عن نفسي ما بشجعش حاجة إلا العلم ^_^
د. ياسر عمر عبد الفتاح :
أنا معاك يا ياسر إن الطبيعي إن مافيش تناقض ,
يعني مثلا مافيش تناقض لو واحد بيحب البطاطس الشيبسي و نفسه يبقى عالم ,
يذاكر و ياكل بطاطس .. عادي
أما إنه يُقبل على البطاطس بنهم و كأنه لما يتفوق في أكل البطاطس هيبقى بطل و يحس إنه كده بقى متفوق و آخر تمام .. هنا بقى التناقض ,
و هو ده اللي حصل في الكورة لشعبنا ..
I'm The CraZy One
أهلا و سهلا بحضرتك و إن شاء الله ما تكونش آخر زيارة ,
أنا مع رأي حضرتك , أنا مش ضد الكورة , لكن ضد إن الكورة تبقى كل حاجة , و إننا نعتقد إن تفوقنا فيها هو هدفنا و غاية سؤلنا ..
خاتون :
و عليكم السلام و رحمة الله و بركاته :
فعلا أنا مع حضرتك , إن الهيافة في وطننا العربي ليس لها حدود و لو ما كانوش لاقيين هيافتهم في الكورة , هيلاقوها في التمثيل و الغناء أو أي حاجة تانية ,
أما بالنسبة للشغل فمتهيأ لي إن عمرهم ما هيشتغلوا و لا حتى بعد ميت سنة , إلا إذا الشغل طلع موضة :)
الأخ الفاضل :: TIMMY !! ::
صباحك قشطة ..
لا أدري ماذا أقول ؟؟
لكن
مبروك عليكم الكأس والبطوولة
تحياتي ^_^
هو انا بصراحة فرحت جداااا لما مصر فازت بس كنت اتمني ان ميكونش كل فوزنا في الكورة بس وباقي المجالات متخلفين
ربنا يجعلنا سببا في نصرة الاسلام ورفعة شأن المسلمين
heyyyyyyyyyyyy
وحشتنى اوى بجد حبيب قلبى
اشتقت لموضايعك جدا
hahahahahahahahahahahahahahahah
حتى فى دى معدتش من تحت ايدك بس عندك حق
فعلا الموضوع خد اكتر من حقة وكل نقطة انت ذكرتها جديرة بالذكر اننا نقفلها اكتر من الكورة كمان ولكن الجملة المعتادة ده شعب طيب ونفسة يفرح
ويا قلبى لا تحزن
وحشتنى اوى
تحياتى صديقى
السلام عليكم
ازيك ياتيمي
واحشني جدا
يارب تكون بخير
والف مبروك علي الشغل
معلش عارف إنها متأخره
هعلق بقي علي موضوعين
اولا انا معاك جدا في حوار الي بيداروا بيشجعوا وإحنا معاهم
لكن بجد انا مبسوط بروح الناس الي بتجمعهم حتي ولو كان للأسف كوره
بس خد بالكم إن أكبر دور في حوار الصواريخ والطيارات والنووي وخلافه
ده المفروض دور الدوله
الدوله لو شجعت أكيد نبقي معاها
وأكبر مثال علي كده لو كانت بتشجع كانت شجعت دكتور مصطفي محمود وزويل وغيرهم
وماسابتهمش يطلعوا بره وبعد كده تنتظرهم بفارغ الصبر
وبيني وبينك الشعب مطحون علي الاخر
سيبه ينفس عن نفسه مش هنحجر عليه في كل حاجه
لكن فعلا أتمني إن الدوله تشجع التقدم والرقي وإحنا معاهم حتي في الفكره
:)
أخر موضوع
الطبيعي إن فيه مثل بيقول
" من جاور السعيد يسعد"
وكمان من عاشر القوم 40 يوم بقي منهم
وامثال تانيه
إلي زي ده فاشل وموكوس
وهيفضل زي ماهو
ربنا ما يجعلنا من الناس ديه
طبعا انت عارف رأيي في موضوعاتك
ربنا يوفقك في شغلك وحياتك
وأعذرني علي التقصير
تحياتي
:)
إرسال تعليق